ԶԱՆԳՈՒՆ

Զիլ զրնգում է զանգուն․

Լեռների արանքում է,

Ինչ էլ ասես՝ կիրճից կիրճ

Բարձր արձագանքում է։

ՍԱՀՅԱՆԻ ՀԵՏ

Ահա լեռները լեռների վրա,

Ահա ձորերը ձորերի մեջ,

Կարծես ուր որ  է կկենդանանան

Հրաշք երգերդ երգերիս մեջ։

ԱՆԳՈՀՈՒԹՅՈՒՆ

Ինձնից շատ բան են խնդրում

Եվ նեղանում են,

Երբ տաս կատարումից հետո

Մեկում մերժվում են։

ԿԵՂԾ ՕՐԵՆՔՆԵՐ

Կեղծ օրենքներ․ գրված լոկ

Վրան մաշված մի թղթի,

Այրվում ենք հիմա ցավոք

Ձեր կրակում դրախտի։

Թույլություն

Ուժեղի դեմ միշտ էլ թույլն է մեղավոր․․․

Եվ ոչ միայն. թույլի դեմն էլ

Մեղավոր է թույլը լոկ։

Ու թե կուզես եղիր բարի, կամ էլ սիրիր ողջ սրտով,

Քառյակ․․

Եթե մենք մեզ չհալածենք․

Չենք հալածվի այս կյանքում,

Մենք ենք միայն լքում մեզ,

Մեզ ուրիշը չի լքում։

Քառյակ․․․

Հեքիաթներով ապրող մարդիկ,

Փուջ ու խավար սին օրենք,

Ասեք էլ ինչ հիմարությամբ,

Էլ ինչ խղճով ձեզ հարգենք։

Հայ Ժողովուրդ

Հայ ժողովու՛րդ դու քո կյանքում

Պայքարել ու միշտ ապրել ես,

Երբեմն բարձունք ես ելել,

Երբեմն էլ տառապել ես։

Սիրելի Մայրամուտ

Իմ հոգու մեջ արշալույս կա,

Որ ծագում է երեկոյում,

Առավոտյան մութ է այնպես,

Այնպես պայծառ՝ մայրամուտում։

Մահիցդ հետո

Այս անձրևի մեջ մի կաթիլ տեսա,

Պայծառ էր քեզ պես,

Գետին հասնելով իր վերջը տվեց,

Խելառ էր քեզ պես։

Պահեք Ներկան

Լոկ անցյալի հպարտությամբ 

Ներկայում անպետքանում ենք։

Հետո այդ անպետքությունից

Ինքներս մեզ բարկանում ենք։

Հիշողության գիրկը ընկած 

Շրջում ենք որպես ուրվական

Ու հետո նոր ենք հասկանում․

Արդեն դարձել ենք մուրացկան։

Մի Հիշիր

Չը՛հիշես պահերը ուրախ,

Չը՛հիշես ժպիտը քո նուրբ,

Միշտ այդպես սառը դու մնա։

Ժպիտդ փնտրեմ ամենուր։

Վերադարձի Անդարձություն

Հաջողություն Հաջողություն քեզ անդարձ

Սիրտս լուռ է աչքս՝ թաց

Էլ չեմ տեսնի էլ չեմ տեսնի քեզ երբեք

Ոտքս կաղ է ճամփես բաց