ԱՐՁԱՆԻ ՄՈՏ․․․

Որոտանի ձախակողմյան հատվածում

Մի ռազմիկի արձան է վեր թևածում։

Մարտիրոսի լույս կա նրա աչքերում,

Հաղթանակի հույս կա նրա աչքերում։

ԱՄՊԵՐԻ ԿՈՂՔԻՆ

Որպես Սյունյաց աշխարհի
Սար ու ձորի լուռ վկա․
Ողջունում եմ ձեզ ամպե՛ր
Ու ասում եմ․ <<ես եկա>>։

Որպես զավակ Սյունիքի,
Արարատյան աշխարհից
Ձեզ իմ ողջույնն եմ բերել,
Որ բխում է իմ սրտից։

Որոտացե՛ք ջերմագին,

Թող որ հորդ անձրև տեղա,

Ջրամբարը Զանգեզուրի, 

Թո՛ղ որ առատ ջուր ունենա։

Ո՜վ Խուստուփի հսկա բարձեր

Փափուկ դարձրեք քունը նրա,

Որ առավոտյան արևին

Դիմավորել կարողանա։

Որպես Սյունյաց աշխարհի

Ռազմի երթի վառ վկա․

Ռազմիկ պապե՛ր, ասում եմ ձեզ․

<<Արշալույսը այսօր կը՛գա>>։

ՄԻԹԵ ԱՅՍՏԵՂ ԵՄ

Միթե պապերն իմ այստեղ են ապրել։

Միթե այստեղի գինով են հարբել։

Որոտն են լսել այս որոտանի,

Միթե այս ճամփան Սյունիք պիտ տանի։

ԶԱՆԳՈՒՆ

Զիլ զրնգում է զանգուն․

Լեռների արանքում է,

Ինչ էլ ասես՝ կիրճից կիրճ

Բարձր արձագանքում է։

ՍԱՀՅԱՆԻ ՀԵՏ

Ահա լեռները լեռների վրա,

Ահա ձորերը ձորերի մեջ,

Կարծես ուր որ  է կկենդանանան

Հրաշք երգերդ երգերիս մեջ։

ԱՆԳՈՀՈՒԹՅՈՒՆ

Ինձնից շատ բան են խնդրում

Եվ նեղանում են,

Երբ տաս կատարումից հետո

Մեկում մերժվում են։

ԿԵՂԾ ՕՐԵՆՔՆԵՐ

Կեղծ օրենքներ․ գրված լոկ

Վրան մաշված մի թղթի,

Այրվում ենք հիմա ցավոք

Ձեր կրակում դրախտի։

Թույլություն

Ուժեղի դեմ միշտ էլ թույլն է մեղավոր․․․

Եվ ոչ միայն. թույլի դեմն էլ

Մեղավոր է թույլը լոկ։

Ու թե կուզես եղիր բարի, կամ էլ սիրիր ողջ սրտով,

Քառյակ․․

Եթե մենք մեզ չհալածենք․

Չենք հալածվի այս կյանքում,

Մենք ենք միայն լքում մեզ,

Մեզ ուրիշը չի լքում։

Քառյակ․․․

Հեքիաթներով ապրող մարդիկ,

Փուջ ու խավար սին օրենք,

Ասեք էլ ինչ հիմարությամբ,

Էլ ինչ խղճով ձեզ հարգենք։

Հայ Ժողովուրդ

Հայ ժողովու՛րդ դու քո կյանքում

Պայքարել ու միշտ ապրել ես,

Երբեմն բարձունք ես ելել,

Երբեմն էլ տառապել ես։

Սիրելի Մայրամուտ

Իմ հոգու մեջ արշալույս կա,

Որ ծագում է երեկոյում,

Առավոտյան մութ է այնպես,

Այնպես պայծառ՝ մայրամուտում։

Մահիցդ հետո

Այս անձրևի մեջ մի կաթիլ տեսա,

Պայծառ էր քեզ պես,

Գետին հասնելով իր վերջը տվեց,

Խելառ էր քեզ պես։